الله على ذيك الليالي والايام
والله على حال المعذب وحالي


شكيت وهلت حبرها ادموع الاقلام
حتى الورق لا هو بداله وسالي

الوقت علي أنهل بصفعات لطام
معاد خلىء في طريقي ظلالي

مشيت صابر رغم عثرات الاقدام
ومعاد فيني صبر والصبر طالي

حافي القدم أمشي على الرنضا لي عام
أطرد ورى الما أثره سراب وزالي

أمشي ودربي كله مدفون بالاغام
يالله سترك يا عليمآ بحالي

كني مودع رايح لساحة أعدام
وصيح يا ناس وين عمي وخالي

وين القرابه والحبايب والارحام
وين المعارف الكل أول وتالي

أدري طلبت كل الاماني والاحلام
ومدري صعب عليه هذا ومحالي

اليوم راحتبي سنيني والاعوام
حنيت وزادة فيني ضيقات بالي

الوقت لو يصفى به العمر مدام
ياكم حرمني من عزيزآ وغالي

أن كان حظي طاح ترى لجلهم قام
يقول أنا بعناد وان طحت عالي